(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 142

॥ శ్రీః ॥
1.142. అధ్యాయః 142
Mahabharata - Adi Parva - Chapter Topics
ద్రోణేనాస్త్రశిక్షాయాం కురుపాండవానాం శిష్యత్వేనాంగీకారః॥ 1 ॥
విద్యాభ్యాససమాప్త్యనంతరం బహుశః పరీక్షితస్యార్జునస్య ద్రోణాచార్యాద్విశేషశిక్షాప్రాప్తిః॥ 2 ॥
మృణ్మయద్రోణప్రతిమారాధనేన ఏకలవ్యస్య ధనుర్వేదప్రతిభానం॥ 3 ॥
మృగయార్థం గతేషు కురుపాండవేషు ఏకలవ్యేన బాణైః శునో ముఖపూరణం॥ 4 ॥
అర్జునప్రార్థనయా ద్రోణేనైకలవ్యం ప్రతిగంయ గురుదక్షిణాత్వేన దక్షిణాంగుష్ఠ యాచనం॥ 5 ॥
ఏకలవ్యేన దక్షిణాంగుష్ఠస్య ఛిత్వా దానం॥ 6 ॥ ద్రోణేన శిష్యపరీక్షా॥ 7 ॥ శిష్యపరీక్షాయాం యుధిష్ఠిరా దీనాం నిరాకరణం॥ 8 ॥
Mahabharata - Adi Parva - Chapter Text
`వైశంపాయన ఉవాచ। 1-142-0x(840)(6421)
ప్రతిజగ్రాహ తం భీష్మో గురుం పాండుసుతైః సహ।
పౌత్రానాదాయ తాన్సర్వాన్వసూని వివిధాని చ॥ 1-142-1(6422)
శిష్య ఇతి దదౌ రాజంద్రోణాయ విధిపూర్వకం।
తదా ద్రోణోఽబ్రవీద్వాక్యం భీష్మం బుద్ధిమతాం వరం॥ 1-142-2(6423)
కృపస్తిష్ఠతి చాచార్యః శస్త్రజ్ఞః ప్రాజ్ఞసంమతః।
మయి తిష్ఠతి చేద్విప్రో వైమనస్యం గమిష్యతి॥ 1-142-3(6424)
యుష్మాన్కించిచ్చ యాచిత్వా ధనం సంగృహ్య హర్షితః।
స్వమాశ్రమపదం రాజన్గమిష్యామి యథాగతం॥ 1-142-4(6425)
ఏవముక్తే తు విప్రేంద్రం భీష్మః ప్రహరతాం వరః।
అబ్రవీద్ద్రోణమాచార్యముఖ్యం శస్త్రవిదాం వరం॥ 1-142-5(6426)
కృపస్తిష్ఠతు పూజ్యశ్చ భర్తవ్యశ్చ మయా సదా।
త్వం గురుర్భవ పౌత్రాణామాచార్యస్త్వం మతో మమ।
ప్రతిగృహ్ణీష్వ పుత్రాంస్త్వమస్త్రజ్ఞాన్కురు వై సదా॥' 1-142-6(6427)
వైశంపాయన ఉవాచ। 1-142-7x(841)
తతః సంపూజితో ద్రోణో భీష్మేణ ద్విపదాం వరః।
విశశ్రామ మహాతేజాః పూజితః కురువేశ్మని॥ 1-142-7(6428)
విశ్రాంతేఽథ గురౌ తస్మిన్పౌత్రానాదాయ కౌరవాన్।
శిష్యత్వేన దదౌ భీష్మో వసూని వివిధాని చ॥ 1-142-8(6429)
గృహం చ సుపరిచ్ఛన్నం ధనధాన్యసమాకులం।
భారద్వాజాయ సుప్రీతః ప్రత్యపాదయత ప్రభుః॥ 1-142-9(6430)
స తాఞ్శిష్యాన్మహేష్వాసః ప్రతిజగ్రాహ కౌరవాన్।
పాండవాంధార్తరాష్ట్రాంశ్చ ద్రోణో ముదితమానసః॥ 1-142-10(6431)
ప్రతిగృహ్య చ తాన్సర్వాంద్రోణో వచనమబ్రవీత్।
రహస్యేకః ప్రతీతాత్మా కృతోపసదనాంస్తథా॥ 1-142-11(6432)
ద్రోణ ఉవాచ। 1-142-12x(842)
కార్యం మే కాంక్షితం కించిద్ధృది సంపరివర్తతే।
కృతాస్త్రైస్తత్ప్రదేయం మే తదేతద్వదతానఘాః॥ 1-142-12(6433)
వైశంపాయన ఉవాచ। 1-142-13x(843)
తచ్ఛ్రుత్వా కౌరవేయాస్తే తూష్ణీమాసన్విశాంపతే।
అర్జునస్తు తతః సర్వం ప్రతిజజ్ఞే పరంతప॥ 1-142-13(6434)
తతోఽర్జునం తదా మూర్ధ్ని సమాఘ్రాయ పునః పునః।
ప్రీతిపూర్వం పరిష్వజ్య ప్రరురోద ముదా తదా॥ 1-142-14(6435)
`అశ్వత్థామానమాహూయ ద్రోణో వచనమబ్రవీత్।
సఖాయం విద్ధి తే పార్థం మయా దత్తః ప్రగృహ్యతాం॥ 1-142-15(6436)
సాధుసాధ్వితి తం పార్థః పరిష్వజ్యేదమబ్రవీత్।
అద్యప్రభృతి విప్రేంద్ర పరవానస్మి ధర్మతః॥ 1-142-16(6437)
శిష్యోఽహం త్వత్ప్రసాదేన జీవామి ద్విజసత్తమ।
ఇత్యుక్త్వా తు తదా పార్థః పాదౌ జగ్రాహ పాండవః'॥ 1-142-17(6438)
తతో ద్రోణః పాండుపుత్రానస్త్రాణి వివిధాని చ।
గ్రాహయామాస దివ్యాని మానుషాణి చ వీర్యవాన్॥ 1-142-18(6439)
రాజపుత్రాస్తథా చాన్యే సమేత్య భరతర్షభ।
అభిజగ్ముస్తతో ద్రోణమస్త్రార్థే ద్విజసత్తమం॥ 1-142-19(6440)
వృష్ణయశ్చాంధకాశ్చైవ నానాదేశ్యాశ్చ పార్థివాః।
సూతపుత్రశ్చ రాధేయో గురుం ద్రోణమియాత్తదా॥ 1-142-20(6441)
స్పర్ధమానస్తు పార్థేన సూతపుత్రోఽత్యమర్షణః।
దుర్యోధనం సమాశ్రిత్య సోఽవమన్యత పాండవాన్॥ 1-142-21(6442)
అభ్యయాత్స తతో ద్రోణం ధనుర్వేదచికీర్షయా।
శిక్షాభుజవలోద్యోగైస్తేషు సర్వేషు పాండవః॥ 1-142-22(6443)
అస్త్రవిద్యానురాగాచ్చ విశిష్టోఽభవదర్జునః।
తుల్యేష్వస్త్రప్రయోగేషు లాఘవే సౌష్టవేషు చ॥ 1-142-23(6444)
సర్వేషామేవ శిష్యాణాం బభూవాభ్యధికోఽర్జునః।
ఐంద్రిమప్రతిమం ద్రోణ ఉపదేశేష్వమన్యత॥ 1-142-24(6445)
ఏవం సర్వకుమారాణామిష్వస్త్రం ప్రత్యపాదయత్।
కమండలుం చ సర్వేషాం ప్రాయచ్ఛచ్చిరకారణాత్॥ 1-142-25(6446)
పుత్రాయ చ దదౌ కుంభమవిలంబనకారణాత్।
యావత్తే నోపగచ్ఛ్తి తావదస్మై పరాం క్రియాం॥ 1-142-26(6447)
ద్రోణ ఆచష్ట పుత్రాయ కర్మ తజ్జిష్ణురౌహత।
తతః స వారుణాస్త్రేణ పూరయిత్వా కమండలుం॥ 1-142-27(6448)
సమమాచార్యపుత్రేణ గురుమభ్యేతి ఫాల్గునః।
ఆచార్యపుత్రాత్తస్మాత్తు విశేషోపచయేఽపృథక్॥ 1-142-28(6449)
న వ్యహీయత మేధావీ పార్థోఽప్యస్త్రవిదాం వరః।
అర్జునః పరమం యత్నమాతిష్ఠద్గురుపూజనే॥ 1-142-29(6450)
అస్త్రే చ పరమం యోగం ప్రియో ద్రోణస్య చాభవత్।
తం దృష్ట్వా నిత్యముద్యుక్తమిష్వస్త్రం ప్రతి ఫాల్గునం॥ 1-142-30(6451)
ఆహూయ వచనం ద్రోణో రహః సూదమభాషత।
అంధకారేఽర్జునాయాన్నం న దేయం తే కదాచన।
న చాఖ్యేయమిదం చాపి మద్వాక్యం విజయేత్వయా॥ 1-142-31(6452)
తతః కదాచిద్భుంజానే ప్రవవౌ వాయురర్జునే।
తేన తత్ర ప్రదీపః స దీప్యమానో విలోపితః॥ 1-142-32(6453)
భుక్త ఏవ తు కౌంతేయో నాస్యాదన్యత్ర వర్తతే।
హస్తస్తేజస్వినస్తస్య అనుగ్రహణకారణాత్॥ 1-142-33(6454)
తదభ్యాసకృతం మత్వా రాత్రావపి స పాండవః।
యోగ్యాం చక్రే మహాబాహుర్ధనుషా పాండునందనః॥ 1-142-34(6455)
తస్య జ్యాతలనిర్ఘోషం ద్రోణః శుశ్రావ భారత।
ఉపేత్య చైనముత్థాయ పరిష్వజ్యేదమబ్రవీత్॥ 1-142-35(6456)
ద్రోణ ఉవాచ। 1-142-36x(844)
ప్రయతిష్యే తథా కర్తుం యథా నాన్యో ధనుర్ధరః।
త్వత్సమో భవితా లోకే సత్యమేతద్బ్రవీమి తే॥ 1-142-36(6457)
వైశంపాయన ఉవాచ। 1-142-37x(845)
తతో ద్రోణోఽర్జునం భూయో హయేషు చ గజేషు చ।
రథేషు భూమావపి చ రణశిక్షామశిక్షయత్॥ 1-142-37(6458)
గదాయుద్ధేఽసిచర్యాయాం తోమరప్రాసశక్తిషు।
ద్రోణః సంకీర్ణయుద్ధే చ శిక్షయామాస కౌరవాన్॥ 1-142-38(6459)
తస్య తత్కౌశలం శ్రుత్వా ధనుర్వేదజిఘృక్షవః।
సజానో రాజపుత్రాశ్చ సమాజగ్ముః సహస్రశః॥ 1-142-39(6460)
`తాన్సర్వాఞ్శిక్షయామాస ద్రోణః శస్త్రభృతాం వరః।'
తతో నిషాదరాజస్య హిరణ్యధనుషః సుతః।
ఏకలవ్యో మహారాజ ద్రోణమభ్యాజగామ హ॥ 1-142-40(6461)
న స తం ప్రతిజగ్రాహ నైషాదిరితి చింతయన్।
శిష్యం ధనుషి ధర్మజ్ఞస్తేషామేవాన్వవేక్షయా॥ 1-142-41(6462)
`ద్రోణ ఉవాచ। 1-142-42x(846)
శిష్యోఽసి మమ నైషాదే ప్రయోగే బలత్తరః।
నివర్తస్వ గృహానేవ అనుజ్ఞాతోఽసి నిత్యశః॥ 1-142-42(6463)
వైశంపాయన ఉవాచ।' 1-142-43x(847)
స తు ద్రోణస్య శిరసా పాదౌ గృహ్య పరంతపః।
అరణ్యమనుసంప్రాప్య కృత్వా ద్రోణం మహీమయం॥ 1-142-43(6464)
తస్మిన్నాచార్యవృత్తిం చ పరమామాస్థితస్తదా।
ఇష్వస్త్రే యోగమాతస్థే పరం నియమమాస్థితః॥ 1-142-44(6465)
పరయా శ్రద్ధయోపేతో యోగేన పరమేణ చ।
విమోక్షాదానసంధానే లఘుత్వం పరమాప సః॥ 1-142-45(6466)
`లాఘవం చాస్త్రయోగం చ నచిరాత్ప్రత్యపద్యత।'
అథ ద్రోణాభ్యనుజ్ఞాతాః కదాచిత్కురుపాండవాః।
రథైర్వినిర్యయుః సర్వే మృగయామరిమర్దనాః॥ 1-142-46(6467)
తత్రోపకరణం గృహ్య నరః కశ్చిద్యదృచ్ఛయా।
రాజన్ననుజగామైకః శ్వానమాదాయ పాండవాన్॥ 1-142-47(6468)
తేషాం విచరతాం తత్ర తత్తత్కర్మచికీర్షయా।
శ్వాచరన్స పథా క్రీడన్నైషాదిం ప్రతి జగ్మివాన్॥ 1-142-48(6469)
స కృష్ణమలదిగ్ధాంగం కృష్ణాజినజటాఘరం।
నైషాదిం శ్వా సమాలక్ష్య భషంస్తస్థౌ తదంతికే॥ 1-142-49(6470)
తదా తస్యాథ భషతః శునః సప్త శరాన్ముఖే।
లాఘవం దర్శన్నస్త్రే ముమోచ యుగపద్యథా॥ 1-142-50(6471)
స తు శ్వా శరపూర్ణాస్యః పాండవానాజగామ హ।
తం దృష్ట్వా పాండవా వీరాః పరం విస్మయమాగతాః॥ 1-142-51(6472)
లాఘవం శబ్ధవేధిత్వం దృష్ట్వా తత్పరమం తదా।
ప్రేక్ష్య తం వ్రీడితాశ్చాసన్ప్రశశంసుశ్చ సర్వశః॥ 1-142-52(6473)
తం తతోఽన్వేషమాణాస్తే వనే వననివాసినం।
దదృశుః పాండవా రాజన్నస్యంతమనిశం శరాన్॥ 1-142-53(6474)
న చైనమభ్యజానంస్తే తదా వికృతదర్శనం।
తథైనం పరిపప్రచ్ఛ్రుః కో భవాన్కస్య వేత్యుత॥ 1-142-54(6475)
ఏకలవ్య ఉవాచ। 1-142-55x(848)
నిషాదాధిపతేర్వీరా హిరణ్యధనుషః సుతం।
ద్రోణశిష్యం చ మాం విత్త ధుర్వేదకృతశ్రమం॥ 1-142-55(6476)
వైశంపాయన ఉవాచ। 1-142-56x(849)
తే తమాజ్ఞాయ తత్త్వేన పునరాగంయ పాండవాః।
యథా వృత్తం వనే సర్వం ద్రోణాయాచఖ్యురద్భుతం॥ 1-142-56(6477)
కౌంతేయస్త్వర్జునో రాజన్నేకలవ్యమనుస్మరన్।
రహో ద్రోణం సమాసాద్య ప్రణయాదిదమబ్రవీత్॥ 1-142-57(6478)
నన్వహం పరిరభ్యైకః ప్రీతిపూర్వమిదం వచః।
భవతోక్తో న మే శిష్యస్త్వద్విశిష్టో భవిష్యతి॥ 1-142-58(6479)
అథ కస్మాన్మద్విశిష్టో లోకాదపి చ వీర్యవాన్।
అన్యోఽస్తి భవతః శిష్యో నిషాదాధిపతేః సుతః। 1-142-59(6480)
వైశంపాయన ఉవాచ। 1-142-60x(850)
ముహూర్తమివ తం ద్రోణశ్చింతయిత్వా వినిశ్చయం।
సవ్యసాచినమాదాయ నైషాదిం ప్రతి జగ్మివాన్॥ 1-142-60(6481)
దదర్శ మలదిగ్ధాంగం జటిలం చీరవాససం।
ఏకలవ్యం ధనుష్పాణిమస్యంతమనిశం శరాన్॥ 1-142-61(6482)
ఏకలవ్యస్తు తం దృష్ట్వా ద్రోణమాయాంతమంతికాత్।
అభిగంయోపసంగృహ్య జగామ శిరసా మహీం॥ 1-142-62(6483)
పూజయిత్వా తతో ద్రోణం విధివత్స నిషాదజః।
నివేద్య శిష్యమాత్మానం తస్థౌ ప్రాంజలిరగ్రతః॥ 1-142-63(6484)
తతో ద్రోణోఽబ్రవీద్రాజన్నేకలవ్యమిదం వచః।
యది శిష్యోఽసి మే వీర వేతనం దీయతాం మమ॥ 1-142-64(6485)
ఏకలవ్యస్తు తచ్ఛ్రుత్వా ప్రీయమాణోఽబ్రవీదిదం।
కిం ప్రయచ్ఛామి భగవన్నాజ్ఞాపయతు మాం గురుః॥ 1-142-65(6486)
న హి కించిదదేయం మే గురవే బ్రహ్మవిత్తమ। 1-142-66(6487)
వైశంపాయన ఉవాచ।
తమబ్రవీత్త్వయాంగుష్ఠో దక్షిణో దీయతామితి॥ 1-142-66x(851)
ఏకలవ్యస్తు తచ్ఛ్రుత్వా వచో ద్రోణస్య దారుణం।
ప్రతిజ్ఞామాత్మనో రక్షన్సత్యే చ నియతః సదా॥ 1-142-67(6488)
తథైవ హృష్టవదనస్తథైవాదీనమానసః।
ఛిత్త్వాఽవిచార్య తం ప్రాదాద్ద్రోణాయాంగుష్ఠమాత్మనః॥ 1-142-68(6489)
తతః శరం తు నైషాదిరంగులీభిర్వ్యకర్షత।
న తథా చ స శీఘ్రోఽభూద్యథా పూర్వం నరాధిప॥ 1-142-69(6490)
తతోఽర్జునః ప్రీతమనా బభూవ విగతజ్వరః।
ద్రోణశ్చ సత్యవాగాసీన్నాన్యోఽభిభవితాఽర్జునం॥ 1-142-70(6491)
ద్రోణస్య తు తదా శిష్యౌ గదాయోగ్యౌ బభూవతుః।
దుర్యోధనశ్చ భీమశ్చ సదా సంరబ్ధణానసౌ॥ 1-142-71(6492)
అశ్వత్థామా రహస్యేషు సర్వేష్వభ్యధికోఽభవత్।
తథాఽతిపురుషానన్యాంత్సారుకౌ యమజావుభౌ॥ 1-142-72(6493)
యుధిష్ఠిరో రథశ్రేష్ఠః సర్వత్ర తు ధనంజయః।
ప్రథితః సాగరాంతాయాం రథయూథపయూథపః॥ 1-142-73(6494)
బుద్ధియోగబలోత్సాహః సర్వాస్త్రేషు చ నిష్ఠితః।
అస్త్రే గుర్వనురాగే చ విశిష్టోఽభవదర్జునః॥ 1-142-74(6495)
తుల్యేష్వస్త్రోపదేశేషు సౌష్ఠవేన చ వీర్యవాన్।
ఏకః సర్వకుమారాణాం బభూవాతిరథోఽర్జునః॥ 1-142-75(6496)
ప్రాణాధికం భీమసేనం కృతవిద్యం ధనంజయం।
ధార్తరాష్ట్రా దురాత్మానో నామృష్యంత పరస్పరం॥ 1-142-76(6497)
తాంస్తు సర్వాన్సమానీయ సర్వవిద్యాస్త్రశిక్షితాన్।
ద్రోణః ప్రహరణజ్ఞానే జిజ్ఞాసుః పురుషర్షభః॥ 1-142-77(6498)
కృత్రిమం భాసమారోప్య వృక్షాగ్రే శిల్పిభిః కృతం।
అవిజ్ఞాతం కుమారాణాం లక్ష్యభూతముపాదిశత్॥ 1-142-78(6499)
ద్రోణ ఉవాచ। 1-142-79x(852)
శీఘ్రం భంతః సర్వేఽపి ధనూంష్యాదాయ సర్వశః।
భాసమేతం సముద్దిశ్య తిష్ఠధ్వం సంధితేషతః॥ 1-142-79(6500)
మద్వాక్యసమకాలం తు శిరోఽస్య వినిపాత్యతాం।
ఏకైకశో నియోక్ష్యామి తథా కురుత పుత్రకాః॥ 1-142-80(6501)
వైశంపాయన ఉవాచ। 1-142-81x(853)
తతో యుధిష్ఠిరం పూర్వమువాచాంగిరసాం వరః।
సంధత్స్వ బామం దుర్ధర్ష మద్వాక్యాంతే విముంచతం॥ 1-142-81(6502)
తతో యుధిష్ఠిరః పూర్వం ధనుర్గృహ్య పరంతపః।
తస్థౌ భాసం సముద్దిశ్య గురువాక్యప్రచోదితః॥ 1-142-82(6503)
తతో వితతధన్వానం ద్రోణస్తం కురునందనం।
స ముహూర్తాదువాచేదం వచనం భరతర్షభ॥ 1-142-83(6504)
పశ్యసి త్వం ద్రుమాగ్రస్థం భాసం నరవరాత్మజ।
పశ్యామీత్యేవమాచార్యం ప్రత్యువాచ యుధిష్ఠిరః॥ 1-142-84(6505)
స ముహూర్తాదివ పునర్ద్రోణస్తం ప్రత్యభాషత।
అథ వృక్షమిమం మాం వా భ్రాతౄన్వాఽపి ప్రపశ్యసి॥ 1-142-85(6506)
తమువాచ స కౌంతేయః పశ్యాంయేనం నవస్పతిం।
భంతం చ తథా భ్రాతౄన్భాసం చేతి పునఃపునః॥ 1-142-86(6507)
తమువాచాపసర్పేతి ద్రోణోఽప్రీతమనా ఇవ।
నైతచ్ఛక్యం త్వయా వేద్ధుం లక్ష్యమిత్యేవ కుత్సయన్॥ 1-142-87(6508)
తతో దుర్యోధనాదీంస్తాంధార్తరాష్ట్రాన్మహాయశాః।
తేనైవ క్రమయోగేన జిజ్ఞాసుః పర్యపృచ్ఛత॥ 1-142-88(6509)
అన్యాంశ్చ శిష్యాన్భీమాదీన్రాజ్ఞశ్చైవాన్యదేశజాన్।
యదా చ సర్వే తత్సర్వం పశ్యామ ఇతి కుత్సితాః॥ ॥ 1-142-89(6510)

ఇతి శ్రీమన్మహాభారతే ఆదిపర్వణి సంభవపర్వణి ద్విచత్వారింశదధికశతతమోఽధ్యాయః॥ 142 ॥

Mahabharata - Adi Parva - Chapter Footnotes
1-142-12 యత్ప్రదేయం మే ఇతి పాఠాంతరం॥ 1-142-22 ద్రోణమభ్యయాత్ ద్రోణతుల్యోఽభవత్॥ 1-142-27 ఔహత తర్కితవాన్॥ 1-142-28 అపృథక్ సహైవాస్తే॥ 1-142-29 అతో న వ్యహీయత న విహీనోఽభూత్॥ 1-142-30 యోగమైకాగ్ర్యం॥ 1-142-33 అనుగ్రహణమభ్యాసః॥ 1-142-34 యోగ్యామభ్యాసం॥ 1-142-35 ఉత్థాయోపేత్యేతి క్రమః॥ 1-142-41 తేషామన్వవేక్షయా తేభ్యోఽధికో మాభూదితి బుద్ధ్యా॥ 1-142-43 మహీమయం మృణ్మయం॥ 1-142-44 ఇష్వస్త్రే ఇషుప్రయోగే యోగమైకాగ్ర్యం॥ 1-142-45 లఘుత్వం శీఘ్రప్రయోక్తృత్వం॥ 1-142-64 వేతనం గురుదక్షిణారూపం॥ 1-142-70 నాధికోఽన్యోఽర్జునాదభూత ఇతి పాఠాంతరం॥ 1-142-71 గదాయోగ్యౌ గదాయుద్ధేఽభ్యాసవంతౌ॥ 1-142-72 త్సారుకౌ ఖంగయుద్ధే కుశలౌ॥ 1-142-79 భాసం పక్షివిశేషం॥ ద్విచత్వారింశదధికశతతమోఽధ్యాయః॥ 142 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.